ഹൃദയത്തെ കുറിച്ചു രണ്ടു കവിതകള്‍

1.
ഹൃദയത്തിലെ വീര്‍പ്പുമുട്ടെല്ലാം
ഒരു കൈതോക്കില്‍ നിറച്ച്,
നെറ്റിയുടെ ഇടതുഭാഗത്ത് ചേര്‍ത്തുവച്ച്,
ആയിരം ചിലന്തിക്കുട്ടികള്‍
വലനെയ്യുന്ന വലിയ ചിലന്തിമുട്ടയിലേക്ക്
നിറയൊഴിക്കണം.
കയറി നില്‍ക്കുന്ന
കസേര തട്ടിമറിച്ചിടുമ്പോള്‍,
കഴുത്തിലെ കുരുക്ക്
ഊര്‍ന്നു പോകാതിരിക്കാനാണോ
താടിയെല്ലുകള്‍ സൃഷ്ടിക്കപ്പെട്ടതെന്ന്
പരീക്ഷിക്കണം.
കൈകളില്‍ വരാലിനെപോലെ
വഴുതിപ്പിടഞ്ഞ് വിറച്ചു തുപ്പുന്ന
വെള്ളയെക്കാള്‍ ദൂരത്തില്‍,
കൈത്തണ്ടകളില്‍ തടിച്ച
നീണ്ട ഞരമ്പ്‌
നീളത്തില്‍ മുറിച്ചാല്‍
ചോപ്പ് തെറിക്കുമോയെന്നും
നോക്കണം. 

2.
പ്രിയപ്പെട്ട മരമേ,

വേരുകളുണ്ടായിരുന്നെങ്കില്‍,
ആകാശത്തിന്‍റെ കയങ്ങളില്‍
മുങ്ങിപ്പോകുന്നവനെപ്പോലെ,
മണ്ണിലും കല്ലിലും കൊരുത്തു
വലിച്ചു പിടിക്കാമായിരുന്നു. 
മഴയില്‍ നനയുകയും
വെയിലത്തുണങ്ങുകയുമാകാമായിരുന്നു
ഇലകളില്‍ മണ്ണിനു കത്തെഴുതുകയും
കാറ്റുകളെക്കുറിച്ച് 

തമാശപറയുകയുമാകാമായിരുന്നു.

ചിറകുകളുണ്ടായിരുന്നെങ്കില്‍
ആകാശങ്ങളിലേക്കും നക്ഷത്രങ്ങളിലേക്കും 
ഒരു നീല മീനിനെപ്പോലെ പറന്നുപോകാമായിരുന്നു
ശിശിരത്തില്‍ ഓരോ പൂമൊട്ടുകളിലും
മിന്നാമിന്നികളെ വിരിയിച്ചെടുക്കാമായിരുന്നു.
മുഴുവന്‍റെ പാതിയായൊരു 

മരത്തെ മണത്തുകൊണ്ട്,
മേഘങ്ങളില്‍  ചിറകുപൂട്ടി,
കൊക്കുരുമ്മി പാര്‍ക്കാമായിരുന്നു.

-എന്ന്‍ സ്വന്തം,
വേരുകളും ചിറകുകളും ഇല്ലാത്ത ഒരു മരം.

അന്ധത

അന്ധതയുമൊരിന്ദ്രിയം,
ഇരുളിന്‍റെ മതിലു കാണാത്ത കണ്ണ്.
ചോരയില്‍, ചെമ്പരത്തിയില്‍,
തീരാത്ത ചോപ്പ്.
തൂവലില്‍, പാറലില്‍,
തോരാത്ത പാട്ട്.
കനവിന്റെ കനലില്‍ പുഴുങ്ങിയിട്ടൊരു
കടലാസിന്‍റെ വെയിലില്‍ ചിക്കിയിട്ടത്-
കൊത്തിപ്പറക്കുന്ന പക്ഷി.
മഴകളില്‍, മരങ്ങളില്‍,
കണ്ണുകളില്‍, കരിങ്കല്ലുകളിലക്ഷരങ്ങള്‍
വിതറിയിട്ടാ വിരല്‍ത്തുമ്പുകളില്‍,
ചിറകു പൂട്ടുന്ന കവിത.
കാണാത്ത കണ്ണിന്നു കാണുവാന്‍
കണ്ണിന്നു കാണാത്ത കാഴ്ചകള്‍.

രണ്ട് (കമ്പി)കവിതകള്‍

1. ഈഡിപ്പസ് റെക്സ്‌

വന്നിടത്തേക്ക് തിരിച്ചു പോകാന്‍,

അവനാദ്യം, തിരിച്ചു വച്ചത്,

സ്വന്തം ലിംഗമായിരുന്നു.

2. വില്പന

ചായപ്പീടികക്കാരി ജാനുവും,

വെടി, കുന്നുമ്മല്‍ ശാന്തയും

തമ്മിലെന്താണ് വ്യത്യാസം?

ഒരുത്തി വച്ചുവിളംബുന്നത്,

പോത്തിറച്ചിയെങ്കില്‍,

മറ്റവള്‍ മുളകിട്ട് വയ്ക്കുന്നത്

സ്വന്തമിറച്ചി.

അര്‍ത്ഥവ്യത്യാസം

ചിത്രത്തിനു കടപ്പാട്

സംവാദം:
എനിക്ക് എന്റെ ശരി
നിങ്ങള്ക്ക് നിങ്ങളുടെ ശരി,
പക്ഷെ, വരൂ,
നമുക്ക് പരസ്പരം പറയാം,
പറഞ്ഞ്, പറഞ്ഞ്,
സ്വന്തം ശരികളെ, കൂടുതല്‍ ശരിയാക്കാം.
വിവാദം:
എനിക്ക് എന്റെ ചൊറി,
നിങ്ങള്ക്ക് നിങ്ങളുടെ ചൊറി,
പക്ഷെ വരൂ,
നമുക്ക് പരസ്പരം ചൊറിയാം,
ചൊറിഞ്ഞു രസിച്ച്
സ്വന്തം ചൊറികളെ മാന്തി പുണ്ണാക്കാം.

ഒരു ജാതി കുപ്പായം

ഉടുത്തുടുത്ത്, പൊടിഞ്ഞ്,
പഴകി, പൊഴിഞ്ഞുപോകു-
മെന്നോര്‍ത്തു ചിലര്‍,
ഇഷ്ടമില്ലാക്കുപ്പായം
പിന്നെയും പിന്നെയും
പറഞ്ഞുടുക്കുന്നു.

വിയര്‍പ്പടിഞ്ഞടിഞ്ഞ് നനഞ്ഞ്,
തയഞ്ഞു തുരുമ്പിച്ചുപൊട്ടു-
മെന്നോര്‍ത്തു ചിലര്‍,
ചങ്ങലകളും കയ്യാമങ്ങളും
പിന്നെയും പിന്നേയും
തലക്കുമേലും ഉയര്‍ത്തിപിടിക്കുന്നു.

അവര്‍ക്കറിയില്ലേ,
കുപ്പായങ്ങളും ചങ്ങലകളു-
മിന്നുമിന്നലെയുമല്ല,വര്‍-
ക്കൊപ്പവുമല്ല, ഉണ്ടായതെന്ന്?
അവര്‍ക്കും മുന്‍പേ,
ആദിയിലുണ്ടായവയാണീ
കുപ്പായങ്ങളും ചങ്ങലകളുമെന്ന്?

അവര്‍ക്കറിയില്ലേ,
തലമുറകളായിരം വിയര്‍ത്തിട്ടും,
തുരുമ്പിക്കാത്തവയാണീ
ചങ്ങലകളെന്ന്?
തലമുറകളായിരം അലക്കിയിട്ടും,
കീറിപോകാത്തവയാണീ
കുപ്പയങ്ങളെന്ന്?

അവര്‍ക്കറിയില്ലേ,
കുപ്പായമഴിക്കുവോളമേ
വെളുത്ത കുപ്പായക്കാരനും
കറുത്ത കുപ്പായക്കാരനുമുള്ളൂവെന്ന്?
കുപ്പായത്തിനടിയിലും, കുപ്പായമഴിച്ചാലും,
ഉണ്ടവയറും പൊള്ളവയറുമുണ്ടെന്ന്?

വാല്‍കഷണം 1:
ഈ കവിതയ്ക്ക് പ്രേരകമായ ലേഖനവും പ്രതികരണവും ഇവിടെ.

വാല്‍കഷണം 2:
ജാതി സ്പിരിറ്റ് വര്‍ക്ക്‌ഔട്ട്‌ ചെയ്യാനായി സത്യക്രിസ്ത്യാനിയായ മനോജിനെ പിടിച്ചു എംപിയാക്കിയ പാര്‍ട്ടിയോട് വേറെന്തു പറയാന്‍?
"താന്താന്‍ നിരന്തരം ചെയ്യുന്ന കാര്യങ്ങള്‍
താന്താന്‍ അനുഭവിചീടുകെന്നെ വരൂ."

Butterfly Dream (ശലഭ സ്വപ്നം)

ചൈനീസ്‌ തത്വ ചിന്തകനായിരുന്ന ഷ്വാങ്ങ്സുവിനെ കുറിച്ചു ഒരു കഥയുണ്ട്‌. ഒരിക്കല്‍ അദ്ദേഹം, താനൊരു പൂമ്പാറ്റയാണെന്ന് സ്വപ്നം കണ്ടു. പക്ഷെ ആ പൂമ്പാറ്റക്ക് താന്‍ ഷ്വാങ്ങ്സു ആണെന്നറിയില്ലായിരുന്നു. പെട്ടന്ന് ഞെട്ടിയുണര്‍ന്ന ഷ്വാന്ഗ്സുവിനു സംശയമായി, ഷ്വാങ്ങ്സുവെന്ന താന്‍ പൂമ്പാറ്റയാണെന്ന് സ്വപ്നം കാണുകയായിരുന്നോ, അതോ യഥാര്‍ത്ഥത്തില്‍ പൂമ്പാറ്റയായ താന്‍ ഇപ്പോള്‍ ഷ്വാങ്ങ്സു ആണെന് സ്വപ്നം കണ്ടുകൊണ്ടിരിക്കുകയാണോ?.

ക്രിസ്റ്റഫര്‍ സ്കോട്ട് സംവിധാനം ചെയ്ത Butterfly Dream (ശലഭ സ്വപ്നം) എന്ന ചിത്രം ചര്‍ച്ച ചെയ്യുന്നത് ഈ അസ്തിത്വ പ്രതിസന്ധിയാണ്. ആധുനിക സാങ്കേതിക വിദ്യയുടെ പശ്ചാത്തലത്തില്‍ വികസിക്കുന്ന ഈ ശാസ്ത്രകല്‍പ്പിത ചിത്രം identity collapse എന്ന നൂതന ആശയം കൂടി പങ്കുവയ്ക്കുന്നുണ്ട്. സാം ഗ്രാഷ്യോയുടെ ഇതേ പേരിലുള്ള ചെറുകഥയെ ആസ്പദമാക്കി നിര്‍മിക്കപ്പെട്ട ഈ ലോ ബജറ്റ്‌ ചിത്രത്തിന്‍റെ പ്രത്യേകത അതിന്റെ തത്ത്വചിന്താപരമായ തലമാണ്. ഫ്രഞ്ച് തത്വചിന്തകനായ റെനെ ദെ കാര്‍ത്തെയുടെ brain in a vat എന്ന ചിന്താ പരീക്ഷണവുമായി കഥയ്ക്ക് ബന്ധമുണ്ട്. എന്നാല്‍, തിരക്കഥ തയാറാക്കുന്നതിനിടക്ക് നടത്തിയ ചില പഠനങ്ങള്‍ക്കിടക്കു മാത്രമാണ് ദേ കാര്ത്തെയുടെ സിദ്ധാന്തത്തെകുറിച്ചു അറിഞ്ഞതെന്ന് സാം ഗ്രാഷ്യോ പറയുന്നു.

brain -computer interface (BCI), മൊബൈല്‍ ടെക്നോളജി തുടങ്ങിയവ സമന്വയിപ്പിക്കുന്ന ഒരു സാങ്കല്‍പ്പിക കണ്ടുപിടുത്തവും അത് മനുഷ്യന്റെ അസ്തിത്വ പ്രതിസന്ധികളെ വല്ലാത്ത ഒരു അസ്തിത്വ തകര്‍ച്ചയിലേക്ക് എത്തിക്കുന്നതുമാണ് ചിത്രത്തിന്‍റെ പ്രമേയം. മസ്തിഷ്കത്തെ ബാഹ്യ യന്ത്രങ്ങളുമായി ബന്ധിപ്പിക്കാനുള്ള ശ്രമങ്ങളെയാണ് പൊതു
 വില്‍ BCI എന്നത് കൊണ്ട് അര്‍ത്ഥമാക്കുന്നത്. ഇന്ദ്രിയങ്ങളില്‍ നിന്നും വരുന്ന വിവിധതരം നാഡീതരംഗങ്ങള്‍ മസ്തിഷ്കത്തില്‍ എത്തുന്നത് തലമാസ്‌ എന്ന ഭാഗത്ത് കൂടിയാണ്, അതുപോലെ തിരിച്ചു ശരീരത്തിനുള്ള സന്ദേശങ്ങള്‍ കടന്നു പോകുന്നതും തലാമസിലൂടെ തന്നെ. ഈ നാഡീസന്ദേശങ്ങളെ ഇലെക്ട്രോനിക്‌ സിഗ്നലുകളായി ഡികോഡ് ചെയ്ത്, മൊബൈല്‍ തരംഗങ്ങളായി പുറത്തേക്ക് അയക്കുന്ന ഒരു ഉപകരണം രഹസ്യമായി കണ്ടു പിടിക്കപ്പെടുന്നു. നാനോ ടെക്നോളജിയുടെയും, ന്യൂറോ ഫിസിക്സിന്റെയും സങ്കര ഉല്പന്നമായ, bridge എന്നറിയപ്പെടുന്ന ഈ ഉപകരണം അനായാസമായി തലയോട്ടിക്കടിയില്‍ ഘടിപ്പിക്കാവുന്ന ഒന്നായിരുന്നു. മനുഷ്യന്റെ വികാര വിചാരങ്ങളെ പുറം ലോകവുമായി ബന്ധിപ്പിക്കുന്ന പാലമായ തലാമസ് തന്നെയാണ് അവന്റെ അസ്തിത്വത്തിന്റെയും ഭൌതികമായ അ ടിസ്ഥാനം. സമയവും സ്ഥലവും സംസ്കാരവും എല്ലാം ഈ പാലത്തെ ആശ്രയിച്ചിരിക്കുന്നു. അവിടെ അത്യന്താധുനികമായ ഒരു ഉപകരണം സ്ഥാപിക്കുക വഴി മനുഷ്യന്റെ അന്നു വരെയുള്ള ചരിത്രത്തെ മൊത്തം നിസ്സാരവത്കരിക്കുന്ന മാറ്റങ്ങള്‍ ഉണ്ടാകുന്നു. ഇതാണ് സിനിമയുടെ പശ്ചാത്തലം.

മലയാളം ടൈപ്പ് ചെയ്യാന്‍ പുതിയ വഴി.

ബ്ലോഗില്‍ മലയാളം എഴുതാനിതാ ഒരു എളുപ്പ വഴി. ബ്ലോഗ്സ്പോട്ടില്‍ തന്നെ ലഭ്യമായ ഓണ്‍ലൈന്‍ transliteration ഇതിന്റെ ഏഴയലത്തു വരില്ല. ഭൂലോഗ പൌരന്മാര്‍ എല്ലാവരുടെയും അന്നദാതാവും ഉടയതമ്പുരാനുമായ ഗൂഗിള്‍ തന്നെയാണ് പുതിയ സൌകര്യവും ഒരുക്കിയിരിക്കുന്നത്. ഗൂഗിള്‍ IME എന്ന ഈ പുതിയ സോഫ്റ്റ്‌വെയര്‍ ഇവിടെ നിന്നും ഡൌണ്‍ലോഡ് ചെയ്യാം :
http://www.google.com/ime/transliteration/ ഇത് ഇന്‍സ്റ്റാള്‍ ചെയ്‌താല്‍ വേര്‍ഡ്‌ പാഡിലും , എം എസ് വേര്‍ഡിലുമൊക്കെ എളുപ്പത്തില്‍ മലയാളം ടൈപ്പ്‌ ചെയ്യാം. ബ്ലോഗ്സ്പോട്ട് transliteration നേക്കാള്‍ എത്രയോ എളുപ്പത്തിലും ,ഫലപ്രദമായും ...

വളര്‍ച്ച

വായിച്ചും കണ്ടും കേട്ടും
വളര്‍ന്നു വളര്‍ന്നു
ഭ്രാന്തന്മാരായ നമ്മള്‍
പിന്നെയും വളര്‍ന്ന്,
വിളര്‍ത്ത്, വിയര്‍ത്ത്,
തളര്‍ന്ന്, തളര്‍ന്ന്
ശ്വസിക്കുന്ന ശവങ്ങളായി പോകുന്നു .

മാങ്ങാ തൊലി.

മുന്നറിയിപ്പ്: മാര്കേസിനെയോ കിം കി ദുകിനെയോ പോയിട്ട്, എന്നെപോലും എനിക്ക് നേരിട്ടു പരിചയമില്ല...

പുതിയ സിനിമയുടെ തിരക്കുകളിലായിരുന്നു,
കിം കി ദുക്.
സോളി ലാണെന്ന് തോന്നുന്നു,
ഒരു വിജനമായ ഒരു തെരുവില്‍,
കാന്‍വാസില്‍ ചായം തേച്ചുകൊണ്ടിരിക്കുന്ന
ചിത്രകാരനെ ഷൂട്ട്‌ ചെയ്യാന്‍ ശ്രമിക്കുകയായിരുന്നു, കിം.
പക്ഷെ , എത്ര ശ്രമിച്ചിട്ടും,
തന്റെ മനസ്സിലുള്ള ഫ്രയിം
കിമിന് പകര്‍ത്താന്‍ കഴിഞ്ഞില്ല...
ഒടുവില്‍, ലൈറ്റ് മീറ്ററും, തൊപ്പിയും
നിലത്തെറിഞ്ഞു, കിം പറഞ്ഞു:
'തേങ്ങാക്കുല'.

'കോളറ ക്കാലത്തെ പ്രണയ' ത്തിനു ശേഷം,
'പരാജിതന്റെ സുവിശേഷം '
എഴുതാനിരിക്കുകയായിരുന്നു മാര്‍ക്കേസ്.
മേശമേല്‍ കന്യകയായിരിക്കുന്ന
വെള്ള പേപ്പറിനു മുന്നില്‍, ചുവന്ന മഷി
പേനയുമായി മാര്‍ക്കേസ് പുലര്‍ച്ച മുതല്‍
തപസ്സിരിക്കുകയായിരുന്നു.
നിലത്തും, ചുവരിലുമേ ല്ലാം
കുടഞ്ഞെറിഞ്ഞ ചുവന്ന ചോരപ്പൊട്ടുകള്‍...
അവസാനം, കടലാസ് കുത്തിക്കീറി
പേന ചുവരിലെറിഞ്ഞു മാര്‍കേസ് പറഞ്ഞു:
'ഒലക്കേടെ മൂഡ്‌ ' .

മാസങ്ങളായി, ആള് കേറാത്ത ചായപീട്യ പോലെ
പോസ്ടില്ലാത്ത ബ്ലോഗും തുറന്നു വച്ചിരിക്കയാണ് ഞാന്‍...
ഇന്നെങ്കിലും ഒരു പോസ്ടിടണം...
തിളങ്ങുന്ന മോണിറ്ററില്‍ നോക്കിയിരുന്നു,
കീ ബോര്‍ഡില്‍ കട കട അടിച്ച് കൊറേ നേരം...
അവസാനം ഞാനും പറയട്ടെ,
'മാങ്ങാ തൊലി ' .

രണ്ടു കവിതകള്‍

ഉറക്കം
ഉറക്കം മിക്കവാറും ഒരു കുളിയാണ്..
ഒരു പകലിന്റെ മൊത്തം ഓര്‍മകളും
സ്വപ്നങ്ങളുടെ ലൈഫ് ബോയ്‌ കൊണ്ടു
നമ്മള്‍ കഴുകി കളയുന്നു...

നോവല്‍
പ്രിയപ്പെട്ടവളെ,
നിന്റെ ജീവിതത്തിലെ ആണുങ്ങളെക്കുറിച്ച്
നോവലെഴുതുമ്പോള്‍,
ആദ്യത്തെ അദ്ധ്യായം,
നീ എന്നെക്കുറിച്ചു എഴുതുമോ?

മറവി കുറിപ്പുകള്‍ 1:മഴയൊഴുകുമ്പോള്‍....

മഴയൊഴുകുമ്പോള്‍....

ഒറ്റക്കൈയ്യന്‍ പറഞ്ഞ കഥ

ബക്കറ്റ്‌ ഏലിയാസ് പാര്ട്ടി - unloaded !!!

പിണറായിയുടെ കേരള മാര്‍ച്ചിന്റെ സമാപനത്തോട് അനുബന്ധിച്ച് നടന്ന ബക്കെറ്റ് വിവാദം ബൂലോഗര്‍ മറന്നിട്ടില്ല എന്ന് കരുതട്ടെ. ഇതിനെ കുറിച്ചു ഗോപീകൃഷ്ണന്‍ മാതൃ ഭുമിയില്‍ കാര്‍ടൂണ്‍ വരച്ചിരുന്നു. അത് കണ്ടപ്പോള്‍ പെട്ടന്ന് തോന്നിയ ഒരു ആശയമാണ്. പിന്നെ നെറ്റില്‍ നിന്നും മോയ FLV എഡിറെരും കൊറേ യുടുബ്‌ videos ഡൌന്‍ലോഡ് ചെയ്തു തട്ടി കൂടിയതിന്റെ ഫലമാണ് താഴെ കാണുന്നത്. പ്രശസ്തമായ 'ബക്കെറ്റ്' പാടിന്റെ സ്രഷ്ടാക്കള്‍ക്കും, യുടുബിനും കടപ്പാട്.
Youtube link

'പുറത്തു'നിന്നു പിന്തുണക്കാം !!

കോണ്ഗ്രസ്സിന്റെ നേതൃത്വത്തിലുള്ള പുതിയ സര്‍ക്കാരിനെ പുറത്തു നിന്നു പിന്തുണയ്ക്കാമെന്നു കൌശലക്കാരനായ കരുണാനിധി..

ഷെര്‍ലോക്ക് ഹോംസ് തിരിച്ചു വരുന്നു !!!

ലോകം കണ്ടതില്‍ വച്ചേറ്റവും സമര്‍ത്ഥനും പ്രശസ്തനുമായ കുറ്റാന്വേഷകന്‍ വീണ്ടും വരുന്നു. ബേക്കര്‍ സ്ട്രീറ്റിലെ ബുദ്ധി രാക്ഷസന്‍ ഡോ. വാത്സനുമായി ഇപ്രാവശ്യം വരുന്നതു പുതിയ ഒരു ദൌത്യവുമായാണ്. ലണ്ടന്‍ നഗരത്തെ കൌശലക്കാരനും ക്രൂരനുമായ വില്ലനില്‍ നിന്നും രക്ഷിക്കുക എന്നതാണ് ഹോംസിന്റെ പുതിയ വരവിന്റെ ഉദ്ദേശം. പൊതുവേ സ്ത്രീ വിഷയത്തില്‍ തീരെ തല്പരനല്ലാത്ത ഹോംസിനു അല്‍പ്പമെങ്കിലും താല്പര്യം തോന്നിയ ഐറിന്‍ അഡലര്‍ കൂടെയുണ്ട്. പതിവിനു വിരുദ്ധമായി , കൂര്‍മ ബുദ്ധിയോറൊപ്പം ഹോംസിന്റെ ആയോധനകലകലുറെയും പ്രദര്‍ശനം പുതിയ സിനിമയില്‍ ഉണ്ടാകും.

സാഹിത്യ കൃതികളെ ആസ്പദമാക്കി ഒരുക്കപെടുന്ന ചലച്ചിത്രങ്ങള്‍ക്ക് മുന്നില്‍ വലിയ ഒരു വെല്ലുവിളിയുണ്ട്. ഭാവനാസമ്പന്നനായ സഹൃദയന്റെമനസ്സില്‍ അവന്‍ സൃഷ്ടിച്ചിട്ടുള്ള കഥാപാത്രങ്ങളെയും , കഥാ പരിസരങ്ങളെയും അതിശയിക്കുന്ന വിധത്തില്‍, അതിലും മികച്ചതായി തിരശ്ശീലയില്‍ എത്തിക്കുക എന്ന ബുദ്ധിമുട്ടേറിയ ജോലിയാണ് അണിയറയില്‍ ഉള്ളവര്‍ക്കുള്ള വെല്ലുവിളി. അതില്‍ അവര്‍ എത്ര മാത്രം വിജയിക്കുന്നു എന്നതാണ് അത്തരം ചിത്രങ്ങളുടെ വിധി നിര്‍ണയിക്കുന്നത്. അങ്ങനെ , തിരശ്ശീലക്കു മുന്നിലും പിന്നിലും ഉള്ളവരുടെ ഒരു ബല പരീക്ഷണമാണ് സാഹിത്യാ ധിഷ്ടിത ചിത്രങ്ങള്‍. പലപ്പോഴും ഈ മത്സരത്തില്‍ കാണികള്‍ തന്നെയാണ് വിജയിക്കാറുള്ളത്. കാരണം, അതിരുകളില്ലാത്ത ഭാവനാ ലോകത്തില്‍ സൃഷ്ടിക്കപെടുന്ന സംകല്‍പ്പങ്ങള്‍ക്ക് വെള്ളിത്തിരയില്‍ ജീവന്‍ നല്‍കുക എന്നത് തീര്‍ത്തും ദുഷ്കരമാണ്. കൂടാതെ, ചിലപ്പോഴെങ്കിലും, സംവിധായകനെക്കാലും, ഛായാ ഗ്രാഹകനെക്കാലും കഴിവുള്ളവനാണ്‌ കാഴ്ചക്കാരന്‍. പുതിയ ചിത്രത്തില്‍ , ഷേര്‍ ലോക്ക് ഹോംസിനെ അവതരിപ്പിക്കുന്ന റോബര്‍ട്ട്‌ ഡൌണി കഥാ പാത്രത്തിനോടു നീതി പുലര്‍ത്തുമോ എന്ന് സംശയമാണ്. കാരണം ചിത്രത്തിന്‍റെ ട്രിലരില്‍ കാണുന്ന ഹോംസ്, വായനക്കാരന്റെ മനസ്സിലുള്ള ഹോംസിന്റെ രൂപവുമായി യോജിക്കാന്‍ സാദ്ധ്യത തീരെ കുറവാണ്. കഴുകന്റെ കൊക്ക് പോലുള്ള വളഞ്ഞ മൂക്കും, കൂര്‍ത്ത മുഖവുമുള്ള, വളരെ ശാന്തനായ നീണ്ടു മെലിഞ്ഞ ഹോംസിനെയല്ല ട്രൈ ലരില്‍ കാണുന്നത്. തമാശക്കാരനും, ഉത്സാഹിയുമായ ജൈംസ്‌ ബോണ്ടിനെയാണ് ഡൌണി ഓര്‍മ്മിപ്പിക്കുന്നത്. ചിലപ്പോള്‍, ക്രിസ്റൊഫെര്‍ നോലാന്‍ ബാറ്റ്‌ മാന്‍ സിനിമയില്‍ ചെയ്തത് പോലെ, ഹോംസിനെ പൊളിച്ചെഴുതുകയാണ് സംവിധായകനായ ഗേ റിച്ച്ചിയുറെ ശ്രമമെന്ന് തോന്നുന്നു. കുളിപ്പിച്ചു കുളിപ്പിച്ചു കുട്ടിയില്ലാതാകുമോ എന്ന് കാത്തിരുന്നു കാണാം.
പുതിയ സിനിമയുടെ ട്രൈ ലര്‍ ഇവിടെ.


പിന്‍ വാതില്‍: ഹോംസിന്റെ വേഷത്തില്‍ ജോണി ദെപ്പ് ആയിരുന്നുവെങ്കില്‍ ??

( അടുത്തത്: ഗിസ്സെപ്പേ ടോര്നാ ടോരിന്റെ ഇറ്റാലിയന്‍ ചിത്രം: മെലിന .)

അങ്ങനെ പിണറായി പിണമായി..

അങ്ങനെ എല്ലാവരുടെയും പ്രതീക്ഷക്കൊത്ത് തന്നെ കേരളം കാംഗ്രസ്സുകാര്‍ മാന്യമായി തൂത്തുവാരി. ശരിക്കും പറഞ്ഞാല്‍ ചെന്നിത്തലയും, ചാണ്ടിച്ചായനും നന്ദി പറയേണ്ടത് പിണറായി ക്കാണ് . ദേശീയ രാഷ്ട്രീയത്തിന്റെ സ്വാധീനം ഉണ്ടായിരുന്നുവെങ്കിലും ,ഇടതു മുന്നണിയുടെ ഉരുക്ക് കോട്ടയായ വടകര പോലും തിരിച്ചു പിടിക്കാന്‍ യു ഡി എഫിനെ സഹായിച്ചത് പിണറായിയുടെ നയങ്ങള്‍ തന്നെയാണ് . എം ഐ ഷാനവാസും, ജോസ് കെ മാണിയും വരെ ജയിച്ചിരിക്കുന്നുവെങ്കില്‍അതിനു കാരണം , സാധാരണ ഇടതു പക്ഷത്തിനു അനുകൂലമായി വോട്ടു കുത്തുന്ന കൊറേ പേരെങ്കിലും ഇപ്രാവശ്യം മരിച്ചു ചിന്തിച്ചിട്ടുണ്ട് എന്നതാണ്. ജാതി ,സമുദായ വോട്ടുകള്‍ വലതു പക്ഷത്തിനും ബി ജെ പിക്കും ഒക്കെ തുണയായേക്കാം . പക്ഷെ ഇടതു പക്ഷം ആ വഴിയിലൂടെ നീങ്ങിയാല്‍ മൂക്കും കുത്തി വീഴും. അതാണ്‌ പൊന്നാനിയില്‍ കണ്ടത്. കാരണം ഇടതു പക്ഷത്തിന്റെ വോട്ടുകളില്‍ വലിയൊരു ഭാഗം ജാതി-മതാതീതമായി ചിന്തിക്കുന്ന അടിസ്ഥാന വര്‍ഗത്തിന്റെതാണ്. അപ്പോള്‍ അവരെ വക വയ്ക്കാതെ ജാതി-മത കാര്‍ഡ്‌ എടുത്ത്‌ കളിക്കാന്‍ തുടങ്ങിയാല്‍ അവര്‍ കളി പഠിപ്പിക്കും.
എന്തൊക്കെ ബഹളമായിരുന്നു... മലപ്പുറം 'കത്തി'.. പൊന്നാനി 'താടി' .. കോയിക്കോടന്‍ ഫാരിസ്‌.. ഒലക്ക .. ചാണകം... അവസാനം പവനായ്‌ ശവമായി...
കഴിഞ്ഞ നിയമസഭാ തെരഞ്ഞെടുപ്പ് കാലത്ത് , പിണറായി അച്ചുതാനന്ദന് സീടു നിഷേധിച്ചപ്പോള്‍ , മനോരമ വെണ്ടക്കയില്‍ തലക്കെട്ടിട്ടിരുന്നു. (പിണറായി) "മിന്നല്‍ പിണരായി " . ഫല പ്രഖ്യാപനത്തിന് ശേഷം വേണമെങ്കില്‍ ഇങ്ങനെ കൊടുക്കാം. " പിണറായി പിണമായി"
പിന്‍വാതില്‍. :കേരളം മാത്രമല്ല മധുര മനോജ്ഞ ബംഗാളും ഇപ്രാവശ്യം സി പി എമിനെ കൈ വിട്ടു. കര്‍ഷകരുടെ വേദന കാണാതെ , ' ടാറ്റാ പോയെ ടാറ്റാ പോയേ..' എന്ന് വിളിച്ചു കരഞ്ഞതിനു ബസുവിന് കണക്കിന് കൊടുത്തു. മമതയുറെയും കൊണ്ഗ്രെസ്സിന്റെയും സഖ്യം ബംഗാളില്‍ വന്‍ മുന്നേറ്റമാണ് നടത്തിയത്.
ഫലമറിഞ്ഞു പ്രകാശ്‌ കാരാട്ട് പ്രതികരിച്ചു, 'പരാജയ കാരണം വിലയിരുത്തും' : ഇനി എന്തോന്ന് വിലയിരുത്താന്‍? അടിച്ചിരുത്തി കളഞ്ഞില്ലേ?

സൂസുവാണു താരം !!

കിംഗ്‌ ഖാനും, കാപ്ടന്‍ ധോനിയുമൊക്കെ അരങ്ങു വാഴുന്ന പരസ്യ രംഗത്തെ പുതിയ ചര്‍ച്ചാ വിഷയം പക്ഷെ ഇവരൊന്നുമല്ല . മുട്ട ത്തലയും ,ഉരുണ്ട ശരീരവും , മെലിഞ്ഞ കൈകാലുകളുമുള്ള കുറെ കുഞ്ഞു താരങ്ങളാണ്. വോഡഫോണിന്റെ പുതിയ പരസ്യ പരമ്പരയിലെ സൂസു ആണ് ടെലി വിഷന്‍ കാഴ്ച്ചക്കാരുടെ മനംകവര്ന്നിരിക്കുന്നത് . എതിരാളികളായ എയര്‍ടെല്‍ , ഐഡിയ തുടങ്ങിയവരൊക്കെ ബോളി വുഡ്‌ താരങ്ങളുടെ പ്രഭയില്‍ പരസ്യങ്ങള്‍ ഒരുക്കുമ്പോഴും വളരെ വ്യത്യസ്തമായ സമീപനത്താല്‍ ശ്രദ്ധേയമായിരുന്നു വോഡ ഫോണിന്റെ പരസ്യങ്ങള്‍. മുന്‍പ്‌ ഹച്ച് ആയിരുന്നപ്പോള്‍ തന്നെ പഗ് എന്ന പട്ടിക്കുട്ടിയുടെ സാഹസംങള്‍ , മറ്റു പരസ്യങ്ങളെക്കാള്‍ ഒരു പടി മുന്നിലായിരുന്നു. ആ പരസ്യങ്ങള്‍ മൃഗ സ്നേഹികളുടെ ചെറിയ എതിര്‍പ്പുകല്‍ക്കൊക്കെ ഇടയാകി എന്നത് മറൊരു കാര്യം. അതെ പോലെ പഗ് സീരീസിനു ശേഷം എത്തിയ , വലിയ താരങ്ങള്‍ ഒന്നും ഇല്ലാത്ത ,ആകര്‍ഷങ്ങലായ പരസ്യങ്ങളും വന്നു. പരീക്ഷാ ഹാളില്‍ സഹ പാറിയുടെ പെന്നിലെ മഷി തീര്ന്നു പോകുമ്പോള്‍, ഡെസ്കില്‍ മഷി ഇറ്റിച്ചു കൊടുക്കുന്ന മിടുക്കന്റെ രംങളൊക്കെ ഹിറ്റ്‌ ആയിരുന്നു. ഇപ്പോല്‍ ഇതാ സൂസു എന്ന പേരില്‍ പുതിയ തരംഗം.

പെട്ടന്ന് കാണുമ്പോള്‍ അനിമാഷന്‍ ആണെന്ന് തോന്നുന്നവയാണ് പുതിയ ദൃശ്യംങള്‍. എന്നാല്‍ യഥാര്ത്ഥ മനുഷ്യരാണ് സൂസുവിന്റെ വേഷങ്ങള്‍ക്കുള്ളില്‍. ബാം ഗ്ലൂരിലെ 'നിര്‍വാണ' പരസ്യ എജെന്സി ആണ് സൌത്ത് ആഫ്രിക്കയിലെ പ്ലാടിപ്പസ് സ്റ്റുഡിയോ യുമായി സഹകരിച്ചു ആണ് ഈ ചിത്രങ്ങള്‍ ഒരുക്കിയിരിക്കുന്നത്. നിര വാണയിലെപ്രകാശ്‌ വര്‍മയാണ് ചിത്രംങലുറെ സംവിധായകന്‍. മുംബൈയില്‍ നിന്നുള്ള താരങ്ങള്‍ (പ്രധാനമായും സ്ത്രീകള്‍ ) ആണ് സൂസു ആയി അഭിനയിച്ചിരിക്കുന്നത്. ചലിക്കുമ്പോള്‍ ചുളിവ് വീഴാത്ത കട്ടിയുള്ള തുണി കൊണ്ടു ഉണ്ടാക്കി ഉള്ളില്‍ പഞ്ഞി നിറച്ച വേഷങ്ങള്‍ ആണ് ചിത്രത്തില്‍ ഉപയോഗിച്ചിരിക്കുന്നത്. വലിയ തലയും, ശരീരവും , മെലിഞ്ഞ കൈ കാലുകളും കൂടിയാവുമ്പോള്‍ സൂസു ചെറിയ ജീവികളാണ് എന്നതോന്നലുണ്ടാകുന്നു. പക്ഷെ യഥാര്‍ഥത്തില്‍ സാധാരണ മനുഷ്യരേക്കാള്‍ ഉയരമുണ്ട് സൂസുവിനു. സൂസുവിന്റെ വായ വരെ മാത്രമെ ഉള്ളിലുള്ള നടന്ഉയര മുള്ളു . അതെ പോലെ 20 ഫ്രൈംസ് / വേഗതയിലാണ് രംഗങ്ങള്‍ ചിത്രീകരിച്ചത്. ഇതും ചിത്രങ്ങള്‍ ആനിമാഷനാണ് എന്ന് തോന്നിപ്പിക്കുന്നു. മലയാളിയായ പ്രകാശ്‌ വര്‍മ ഇന്റര്‍ നാഷണല്‍ റോമിങ്ങിന്റെ പരസ്യത്തില്‍, പൊറോട്ട പുട്ടും കടലേം , കപ്പ മീന് തുടങ്ങിയ പദങ്ങള്‍ ഉപയോഗിച്ചിടുന്ദ്‌.

സുസിവിനെ കാണാന്‍ ഇവിടെ ഞെക്കുക

ബ്രാന്‍ഡ്/ ഭ്രാന്ത്

Brand ഒരു ഭ്രാന്താണ് ....

സിനിമാ ഭ്രാന്ത് ..

അതില്‍ തന്നെ

മമ്മൂട്ടി ബ്രാന്‍ഡ് , മോഹന്‍ലാല്‍ ബ്രാന്‍ഡ്...

ക്രിക്കറ്റ് ഭ്രാന്ത് ...

20- ട്വന്റി പുതിയ തരം ഭ്രാന്തു..

പണം വലിയൊരു ഭ്രാന്ത്...

പണം കുറവുള്ളവന്‍വലിയ ഭ്രാന്തന്‍ ...

കൂടുതലുള്ളവന്‍ അതിലും മുഴുത്ത ഭ്രാന്തന്‍ ...

മതം വേറൊരു ബ്രാന്‍ഡ്...

രാഷ്ട്രീയത്തിന്റെ കള്ളപേരില്‍

മുഴുത്ത ഭ്രാന്ത്...

അവിടെയാകട്ടെ ,

ഭ്രാന്തിനു ഭ്രാന്തന്മാരുടെ തന്നെ ചികിത്സ ,

ചോര കൊണ്ടു നസ്യവും , ധാരയും...

ഇനി , ഇക്കാലത്ത് ,

ഒരു ബ്രാന്ടിലും പെടാത്തവര്‍ക്ക്

ശരിക്കും ഭ്രാന്താണ്...

ആണോ?

നെപ്പോളിയനു നേരെ ചെരുപ്പേറ് !!!

സംഭവം വാട്ടര്‍ ലൂവിനും ദിവസങ്ങള്‍ക്കു മുമ്പാണ്. നെപ്പോളിയന്‍ രാജാ പ്പാര്‍ട്ട് , രാവിലെ തന്നെ ,കുളിച്ചു കുറി തൊട്ടു പത്ര സമ്മേളനത്തിനിറങ്ങി . വരുന്ന കുംഭം പതിനൊന്നിനു നിശ്ചയിച്ചിരിക്കുന്ന വാട്ടര്‍ ലൂ യുദ്ധകളിയില്‍ താന്‍ പയറ്റാനിരിക്കുന്ന അടവുകളെ പറ്റി , സിന്‍ഡികെറ്റുകാര്‍ക്ക് ഒരു സംക്ഷിപ്ത വിവരണം നല്‍കുകയായിരുന്നു സമ്മേളനത്തിന്റെ ഉദ്ധേശ്യം . പത്രക്കാരുടെ ഉരുളകള്‍ക്ക് ഉപ്പേരി വിളമ്പി കസറുകയായിരുന്നു രാജാവ്. അതിനിടക്കാണ്‌ , തികച്ചും അപ്പ്രതീക്ഷിതമായി , ഒരു മഞ്ഞ പത്രത്തിന്റെ സ്വ. ലേ. എഴുന്നേറ്റു , തന്റെ മെതിയടി രാജാപ്പാര്ട്ടിനു നേരെ വലിച്ചെറിഞ്ഞത്. ജന്മനാ കുള്ളനായ രാജാവ് സന്ദര്ഭോചിതമായി ഒഴിഞ്ഞു മാറിയിട്ടും, മെതിയടിക്ക് ലക്‌ഷ്യം തെറ്റിയില്ല. ചുവന്നു തിണര്‍ത്ത കവിള്‍ തടവി, നെപ്പോളിയന്‍ പ്രസ്താവിച്ചു: " നൂറു പേന കളെക്കാള്‍ ശക്തമാണ് ഒരു ഷൂ !!! " *



പിന്‍ വാതില്‍ : ഉലക്ക ചാണകത്തില്‍ മുക്കി എഴുതിയിട്ടൊന്നും കാര്യമില്ലാത്തത് കൊണ്ടായിറിക്കാം, പത്രക്കാര്‍ കൂടുതല്‍ എഫെക്ടിവ് ആയ മറ്റു മാര്‍ഗങ്ങള്‍ സ്വീകരിക്കുന്നത്‌. എന്തായാലും സാമ്പത്തിക പ്രതിസന്ധി കാലത്തു ചെരുപ്പ് കമ്പനി കാര്‍ക്ക് നല്ല മാര്‍ക്കറ്റിംഗ് ആയി.
*Four hostile newspapers are more to be feared than a thousand bayonets. - നെപ്പോളിയന്റെ പ്രശസ്തമായ വാചകം..

അര്‍ത്ഥം

പകല്‍ വെളിച്ചത്തില്‍ ഒരു ധീരന്‍,
പൊതു വഴിയിലെ മതിലില്‍ എഴുതിവച്ചു :
"എന്തിനെന്കിലും വേണ്ടി
മരിക്കാന്‍ നിങ്ങള്‍ തയ്യാറല്ലെങ്കില്‍,
പിന്നെ ജീവിച്ചി രിക്കുന്നതില്‍ അര്‍ത്ഥമില്ല.. "
ഇരുട്ടില്‍ ഒരു ഭീരു അതിന് താഴെ
കോറിയിട്ടു :
" ജീവിച്ചിരിക്കാന്‍ വേണ്ടി
മരിക്കാന്‍ പോലും ഞാന്‍ തയ്യാറാണ്."