ഇരുളിന്റെ മതിലു കാണാത്ത കണ്ണ്.
ചോരയില്, ചെമ്പരത്തിയില്,
തീരാത്ത ചോപ്പ്.
തൂവലില്, പാറലില്,
തോരാത്ത പാട്ട്.
കനവിന്റെ കനലില് പുഴുങ്ങിയിട്ടൊരു
കടലാസിന്റെ വെയിലില് ചിക്കിയിട്ടത്-
കൊത്തിപ്പറക്കുന്ന പക്ഷി.
മഴകളില്, മരങ്ങളില്,
കണ്ണുകളില്, കരിങ്കല്ലുകളിലക്ഷരങ്ങള്
വിതറിയിട്ടാ വിരല്ത്തുമ്പുകളില്,
ചിറകു പൂട്ടുന്ന കവിത.
കാണാത്ത കണ്ണിന്നു കാണുവാന്
കണ്ണിന്നു കാണാത്ത കാഴ്ചകള്.
